माजी सैनिकांना सेवांच्या लाभांसाठी संकेतस्थळावर नोंदणी आवश्यक

 सोलापूर(दि.5) बालाजी फुगारे.

        सैनिक कल्याण विभाग, पुणे यांच्यामार्फत  सर्व डाटा डिजिटलायझेशन/संगणकीकरण करण्याचे काम सुरू असून,  जिल्ह्यातील  माजी सैनिक,माजी सैनिक विधवा अवलंबित यांनी  जिल्हा सैनिक कल्याण कार्यालयातील कोणत्याही सेवेचा लाभ घेण्यासाठी  www.ksb.gov.in  व www.mahasainik.maharashtra.gov.in  या संकेतस्थळावर   दि ३१ मार्च २०२५ पुर्वी  नोंदणी असणे आवश्यक असल्याचे जिल्हा सैनिक कार्यालय, सोलापूर यांनी  कळविले आहे.

          सद्या  कोणत्याही सेवेची आवश्यकता नसली तरीही भविष्यात या कार्यालयाद्वारे कोणत्याही अर्जावर कार्यवाही करणेसाठी या नोंदणीची पुष्टी करणे आवश्यक आहे.सदर संकेतस्थळावर रजिस्ट्रेशन करण्यासाठी माजी सैनिकांना फी म्हणून रक्कम १०० रुपये  लागणार आहेत. माजी सैनिक विधवा व अवलंबितांना फी माफ आहे. जिल्हा सैनिक कार्यालयाद्वारे दिलेले ओळखपत्र असणे गरजेचे आहे. रजिस्ट्रेशनसाठी लागणारी कागदपत्रे (सर्व कागदपत्रे पीडीएफ फाईलमध्ये एक एमबीमध्ये अपलोड करावीत. नोंदणीसाठी  फोटो, आधार कार्ड, पॅन कार्ड, डिस्चार्ज पुस्तक सर्व पाने, पी.पी.ओ., ई.सी.एच.एस. कार्ड,पेंशन बँक पासबुकाचे पहिले पान आवश्यक  आहे.