दोन हजाराची लाच घेताना महावितरणचा कनिष्ठ अभियंता अँटी करप्शनच्या जाळ्यात

पंढरपूर(दि.11)प्रतिनिधी

         महाराष्ट्र राज्य विद्युत कंपनी पंढरपूर ग्रामीण येथे कार्यरत असलेले कनिष्ठ अभियंता वर्ग क्रमांक ३ यांना २ हजार रुपयाची लाच स्वीकारताना लाचलुचपत प्रतिबंधक विभागाच्या पथकाने रंगेहात पकडले आहे. साईनाथ नामदेव सनगर वय ४० रा. शिवपार्वती नगर, कराड नाका जवळ पंढरपूर असे लाच स्वीकारताना रंगेहात पकडण्यात आलेल्या कनिष्ठ अभियंता महाराष्ट्र राज्य विद्युत कंपनी पंढरपूर ग्रामीण असे नाव आहे. ट्रांसफार्मरच्या विद्युत कनेक्शनच्या परवानगीसाठी कनिष्ठ अभियंता यांनी तक्रारदर यांच्याकडे लाचेची मागणी केली होती. २ हजार रुपये लाच रक्कम स्वीकारत असताना लाच लुचपत प्रतिबंधक विभागाच्या पथकाने लोकसेवक साईनाथ नामदेव सनगर यांना रंगेहाथ पकडण्यात आले असुन गुन्हा दाखल करण्याची प्रक्रिया सुरू आहे.